تاريخ الاضافة
الأحد، 2 يناير 2011 10:59:49 ص بواسطة المشرف العام
0 263
من الجــــوف
لي الشرف في دعوتك يالعواجي
ماهمني لــو المسافه بــعيده
من الجوف اخذ عزبتي واحتياجي
والجيب جاهز والتواير جديده
ماينغمر بالخم غير الدجاجي
والحر الاشقر طلعته للبعيده
بمقابلة شرواك يصفي مزاجي
وليا صفى صفت حروف القصيده
جـعلك تـدوم بنـعمة وابتهاجي
وزيارتك ياشـيخ فرصـه سـعيده
من صلب وايل مطلقين الحجاجي
أهل الفـخر وأهل العلوم الحميده
ولاهي غريبه في وصول ٍ أنفاجي
حيث البـديده من هذيـك الـبديده
ياحـك قـرن بقرن وشـد السياجي
خيالت ٍ يـــوم المـلاقى عـنيـده
ولا أنت شيخ ٍ صيرمي وأندماجي
نسل الصطر يامهلكين المكيده
قدام بيــتك تقل ماقف كـراجـي
ومفطحاتا ً بالصحون العديده
والا الردي لوكان بيته زجاجي
مازاد قدره في زيادة رصيده
والمعذره ما اقول قول سماجـي
في كل قوم وجيل يطـلع ولـيده
مثل الزمول الصايجات الهياجي
وحـق القبايل بالخطا مانبــيده
ونـعم بشمر يفهون الخراجي
أهل اللحيسا صافيين الحديده
فزعاتهم عند المريض العلاجي
واخصـالهم بـين القـبايل فريــده
ونشكر عتيبه مزبنة كل لاجي
تلطم العايل لاتعاوج بسيـده
لهم البيضا فوق روس البراجي
بنيابة ٍ عن كل وايل نشيده
وأنـحمد اللـي عنـده الانـفــراجي
الـرب واحــد والـحـكومه رشــيده
بضل الملـيك اللي على الراس تاجي
عــز الـمواطن والوطـن والـعقــيده
ياخالق بالكون وساع فجاجي
يامهدي الامه ورازق عبيده
حسناك يلي تستمع للمنـاجي
وصلاة رب على محمد إكيده
بسم الله الرحمن الرحيم

مشاركة الشاعر عشيان بن سليمان الرويلي
إثناء تلبيته لدعوة
الشيخ : مشل العواجي في منطقة حائل في تاريخ 5\11\1431هـ
إسم الشاعرإسم الكاتبالبلدإسم القسمالمشاهدات
عشيان بن سليمان الرويليعشيان بن سليمان الرويليغير مصنف☆ دواوين الأعضاء .. عامِّي263
لاتوجد تعليقات