تاريخ الاضافةتاريخ التعديل
الخميس، 6 يناير 2011 11:21:55 م بواسطة المشرف العامالجمعة، 7 يناير 2011 06:44:29 م
0 1952
زواج الأمير فهد نواف الشعلان
يالله يالي خالق ٍ خمس الإركان
ياواحد نرجيك ثم إليك تبنا
تجعل ملكنا بعز ياعالي الشان
نطلبك يالمعبود تقبل طلبنا
وعبدالله الضرغام والليث سلطان
نسل عديم مثلهم مايجبنا
وكل اسعود أهل الكرامه والاحسان
من طيبهم حنا ترا اليوم طبنا
حنا أدعينا للفرح باسم سلمان
بعد الولي في طاعته واستجبنا
جينا لابن فواز والكل شفقان
مهنا عذر على المواتير ركبنا
من ديرة فيها ضنا رويل سكان
منا وفينا ومن نسبهم نسبنا
زلوم تبشر بالفرح هجرة صفان
وصوير شارك بالفرح مع طربنا
وهديب غنى للرفيعه وهدبان
ببيوت عز ٍ للشعالين تبنا
ياراعي العليا نظانيظ شعلان
حبل الموده جابنا ثم سحبنا
أنتم أشيابه من شباب لشيبان
فوق المهار المكرمه ياهذبنا
الله يديم افراحكم كل الأحيان
مبروك ياللي علم عرسه جذبنا
ثلاث جموع وخامس الجمع جمعان
أقولهـا وعن غايب رويل نبنا
وليا حضر بالمعترك كل شيطان
عدونا عاف الطمع ماقربنا
يوم أنها بالرمح والسيف والزان
مانكره اللقوات لاجا غضبنا
وحنا سعوديين ليا كان ماكان
نعطي ونأخذ حقنا ماغلبنـا
دستورنا الإسلام من نهج قرآن
وبفضل ولي ٍ للسماحه وهبنا
تمت وصلينا على نسل عدنان
أعداد حبر بالقلم ماكتبنا
مشاركة الشاعر الكبير عشيان بن سليمان في حفل الإمير نواف الشعلان
بمناسبة زواج أبـنه فهد النواف


إسم الشاعرإسم الكاتبالبلدإسم القسمالمشاهدات
عشيان بن سليمان الرويليعشيان بن سليمان الرويليغير مصنف☆ دواوين الأعضاء .. عامِّي1952
لاتوجد تعليقات