تاريخ الاضافةتاريخ التعديل
الخميس، 6 يناير 2011 11:24:13 م بواسطة المشرف العامالجمعة، 7 يناير 2011 06:48:36 م
0 347
يراعي الجمس
يراعي الجمس الجديد المصفح
طعني تبيعه كان تبغى المكاسيب
كم مرة ً خلى خويه وجنح
حول مقصه بين سود الدواليب
برض ٍ خلا ماعنده أحد ً يصلح
يابي مهندس بين فك ٍ وتركيب
شوري تبيعه كان تبغى تربح
وأشتر بداله ياسنافي ( شبح جيب)
أن جا مع غراسة ً ماتبحبح
ياطى على روس الهضاب الشناخيب
مع العفاشه كنه الريم الأشقح
ون طلع القناص مع حزت السيب
شوف الشبح ياعاد تبي تشبح
مثل اللي شبح للحرار المعاطيب
اسمه خوي الخلا ياتروح
باذن الولي يوصلك دار المعازيب
وليا دعس له قام فيك يتدنح
امقوس ٍ ومسولع ٍ كنه الذيب
ياشقته ألا قلت خطوى المسلح
سلاح حدود طالعو زوم تهريب
وشوف قيمته عند المعارض ترجح
والفرق ظهر ينها يتجاريب
والبيضه اللي مادخل جوفها مح
ماضن توخذ وليا لقو بها عيب
والجمس دوره مع دوارا ً تنزح
والخيل وين ادوارها بالمطاليب
والجيش واهل الجيش ربع ٍ مشفح
وين النشاما متعبين المصاليب
وين الضعون اللي مع الحزم تقدح
وين الجبن اللي حموا شممخ النيب
ان شرقوا ياما تعدون الابطح
وان غربوا ياما يغشون المزاريب
راحت أذكارا ً اللي بها الاعز الاصبح
أحلام ليلا ً بين صدق ٍ وتكذيب
وهالحين دور السامري والمفطح
بمن وامان ولانتعدى المعازيب
كل ٍ يحسب أمتار بيته مسطح
والعز راح وحل دور الرعابيب
ماغير في بعض الاوقات تفسح
اما طلعنا شرق ولا تغاريب
باذن ولي ٍ دوم بسمه نسبح
صلوا على سيد الهاشمي والأصاحيب
قصيد الشاعر عشيان الرويلي في الأعجاب الشديد بالجيب
إسم الشاعرإسم الكاتبالبلدإسم القسمالمشاهدات
عشيان بن سليمان الرويليعشيان بن سليمان الرويليغير مصنف☆ دواوين الأعضاء .. عامِّي347
لاتوجد تعليقات