تاريخ الاضافةتاريخ التعديل
الخميس، 6 يناير 2011 11:30:21 م بواسطة المشرف العامالجمعة، 7 يناير 2011 08:38:18 م
0 373
الجوف زانت
سميت باسم الله خلاق البشر
يعلم نواياها ويحصي أعمالها
من بعد ذكر الله بديت بالمثل
أرمي هزيل القاف وأخذ أجزالها
حييت ياولد عبدالعزيز الصيرمي
اللي ثقيلات الحمول أرتكالها
الجوف زانت واستهلت وامطرت
أزهر زهرها واخضرت اسهالها
غرد القمري والبلابل بالسماء
جو المحبه والسعد وصفالها
لبست ثياب العز بحسن بهاها
مثل الهنوف تللي زين جمالها
تجملت وأستحسنت وأستبشرت
وعبدالآله اليوم وفى اخصالها
أهل العليا كلها فيك رحبت
على عهد الماضي اللي مضالها
متواجدين وعلى روسها شيوخها
تواجدت في صوير لجل أحتفالها
نرفع لكم اسما آيات التهاني
باسم قبيلتنا وهذا استقبالها
بقدومكم يا أميرنا زاد الفرح
فرحت بكم المنطقه ورجالها
يامرحبا بك عد ماخط القلم
وأعداد ماترفي الصقور عيالها
يامرحبابك عد ماهل المطر
واعداد مانبت الشجر بارمالهــا
نقولها بالحب والصدق والوفاء
ترحيبت ٍ من مخلص ٍ لك قالها
ياسيدي جيتك ماهي غريبه
أنتم ملوك المملكه وابطالها
انتم اهل التوحيد والعز والصخا
انتم حماة الوطن وظلالهـا
لكم فعول للخلايق واضحه
تصعب على اللي غيركم مانالهـا
عبدالعزيز اللي جمّع شملنا
من شرقها لجنوبها لشمـالها
يوم المعادي والمعارك طاحنه
عبدالعزيز الصيرمي خيالها
عساه في جناة ربي مخلد
تقبل دعوتي يامرسي جبالها
وهالحين حنا بالعهد مع الفهد
اللي السياسه والرياسه طالها
فهد ملكنا مانخالف رايه
كل المشاكل دون شعبه شالهـا
سوا مشاريع بها فود للوطن
حتى البحور اليوم نشرب زلالها
تعيش ياولي العهد عبدالله
فكاك صعب معقدات حبالها
سلطان درع ٍ للوطن سم العداء
لايزاد في بعض النفوس اذهالها
ودمتم لنا ياطيبين الفعايل
والمملكه دامت بعـز رجالـها
وحنا سعوديين على الخير والشر
ان بدلت احوال بغير أحوالها
لاخير برجل ٍ مابعمره يفادي
يوم ٍ اعيال ابليس غزت أذيالها
هذا الوطن مالنا وطن غيره
يبها فصيلة دمنا وأنتمالها
تقبلوا تحيتي واحترامي
وابيات شعري قلتها في مجالها
تمت وصلينا على سيد البشر
اللي يبين حرامها عن حلالـها
قصيده ترحيبيه لشاعر عشيان بن سليمان بصاحب السمو الملكي الأمير عبدالأله بن عبدالعزيز آل سعود
عندما عين أمير ٍ بمنطقة الجوف
إسم الشاعرإسم الكاتبالبلدإسم القسمالمشاهدات
عشيان بن سليمان الرويليعشيان بن سليمان الرويليغير مصنف☆ دواوين الأعضاء .. عامِّي373
لاتوجد تعليقات