تاريخ الاضافة
الأحد، 30 يناير 2011 12:54:38 ص بواسطة المشرف العام
0 1211
طاري الفرقا
بين تكوين الوصال وبين همي والنضال
بين دورات الليال وبين تحقيق المصير
جيت كلي والحقايق ماهي من نسج الخيال
جيت الملم ماتبعثر وانتثر منه الكثير
ياحبيبي من غيابك مااتسع فيني مجال
والخطاوي لك تعنّت بين فيّك والهجير
إيه اقول الوقت كافي والأماني لاتزال
والأمل يفرض وجودي وآتفائل منك خير
لو تخالفني ضنوني بين حلٍ وارتحال
ماتركتك وانت تدري عن غرامي ما استخير
ماطلبت الا وصالك وانتظر منك الوصال
وابتديتك من غلاك ولا انتهيتك بالأخير
ما شكيت الا بُعادك والهجر لو منك طال
مانسيتك لو يصير بغيبتك مهما يصير
شي من نبضي يُقال وشي لايمكن يُقال
كيف اترجم والمشاعر في مدارك تستدير
انت تدري عن مشاعر شاعرك في كل حال
مثل مايدري بأنك تنهي الوضع الخطير
مثل ماقرر يعيشك لو مُجرّد إحتمال
مثل ماضمك حشاه ولارضى بْغيرك خشير
كل شيٍ في حياتي يرتجي وصلك تعال
من غيابك كل شيٍ صار لغيابك أسير
بسئلك وش عاد باقي من بعد كل الدلال
بسئلك ليه العيون تشوفك (إنته) بس غير
طالبك تكفى تبدل جاير الصد بوصال
الله إنه لايمسي طاري الفرقا بخير
إسم الشاعرإسم الكاتبالبلدإسم القسمالمشاهدات
عبدالله محمد العصيميعبدالله محمد العصيميالسعودية☆ دواوين الأعضاء .. عامِّي1211
لاتوجد تعليقات