تاريخ الاضافة
الأحد، 30 يناير 2011 01:14:01 ص بواسطة المشرف العام
0 995
مشاعر مستبده
إحتضنتك يالقوافي عقب ماكنتي شتات
ثم نظمتك فالقصايد عقد والمعنى ثمين
واحتويتك من خيالٍ طال فوق النايفات
عانق نجومٍ تعلّت فوق نبض العاشقين
ثم نسجتك بين قلب وبين عينٍ ماتبات
وافترشتي ذكريات اللي مضى لي من سنين
في زمانٍ ماملكني منه غير الامنيات
صابرٍ والعمر يمضي يامعين الصابرين
بين معلوق الحنايا حامض وسكر نبات
والمشاعر مستبده بين آهات وحنين
ياللي حبك وسط قلبي من سنينٍ ماضيات
ماتغير به ملامح دام في روحي سجين
اسعفيني وانشليني من بحورٍ مظلمات
واجمعيني وانثريني كيف ماودك تبين
فلسفيني في غرامك وش معاني المفردات
وارسميني فوق ضلك كل وقت وكل حين
اكتبيني واحفظيني موهبه يااغلى البنات
واشطبيني من عذابك واطبعيني بالكنين
واشربيني عد صافي من مزونٍ هاملات
واقطفيني في يدينك ورد فل وياسمين
إسم الشاعرإسم الكاتبالبلدإسم القسمالمشاهدات
عبدالله محمد العصيميعبدالله محمد العصيميالسعودية☆ دواوين الأعضاء .. عامِّي995
لاتوجد تعليقات