تاريخ الاضافة
الخميس، 3 فبراير 2011 05:17:54 ص بواسطة المشرف العام
0 953
ياليته يروف بي
ياهاجسي سرها والنار مشتبه
ودي بمسراك مثل الذيب سرحاني
من همي اللي غزاني ثم بلشت ابه
ماغير اهوجس طوال الليل واعاني
كله سبايب وليفٍ مت في حبه
ويلاه من صاحبي مدعوج الاعياني
ابو جديلٍ هبوب الريح تلعب به
والعنق عنق المها والعود رياني
كن البرد في ثمانٍ فيه منصبه
والخد برقه يلوح بعرض الأمزاني
واليا مشى مشية اللي قاضيٍ نبه
والوصف في مبسمه من توت لبناني
من فوق صدره تبيّن قبه وقبه
ويفوح من طلته عنبر وريحاني
راح وتركني وانا مدري وش السبه
وانا على شوفة المجمول شفقاني
قالوا لي الناس كبه قلت ماكبه
مادام حبه جرى مع وسط شرياني
هو سبه الجرح وايضاً هو بعد طبه
قلبي له ولاهويت بدنيتي ثاني
ياليته يروف بي ويخاف من ربه
مافيه همٍ بعد فرقاه ماجاني
إسم الشاعرإسم الكاتبالبلدإسم القسمالمشاهدات
عبدالله محمد العصيميعبدالله محمد العصيميالسعودية☆ دواوين الأعضاء .. عامِّي953
لاتوجد تعليقات