تاريخ الاضافة
الخميس، 3 فبراير 2011 02:15:16 م بواسطة المشرف العام
0 797
سموم الهجر
يامل نفسٍ من الغربال ملتاعه
ضاعت ولاعت ولااحدٍ شاف لايعها
عليك ياللي نهبت الروح في ساعه
طالبك تكفى حياتي لاتضيعها
ارفق على اللي حداه الوقت ثم لاعه
ماجاد له من عطايا الوقت نافعها
شاف العذاب وتبين منك ماراعه
كم ونةٍ من صميم الروح ينزعها
قام يتوجد وقلبك شانت اطباعه
كاس المراره من اسبابك تجرعها
نبت الغرام يتودد منك مرباعه
تارد عروقه على فيضك وتمنعها
شح الوصال وسموم الهجر منصاعه
في وجهة اللي همومه كيف يردعها!!
ماغيرك أحدٍ تسبب في ردا اوضاعه
تضحك وعينه عليك تهل مدمعها
كنه صويبٍ مغز الرمح بضلاعه
ينزف وروحه من اوجاعه يودعها
مابات طرفه ولاخفت به اوجاعه
ضاقت فجوجه عسى ربه يوسعها
نفسه على شوفتك يازين طماعه
الله يردك على نفسه وتقنعها
إسم الشاعرإسم الكاتبالبلدإسم القسمالمشاهدات
عبدالله محمد العصيميعبدالله محمد العصيميالسعودية☆ دواوين الأعضاء .. عامِّي797
لاتوجد تعليقات