تاريخ الاضافة
الخميس، 3 فبراير 2011 02:42:02 م بواسطة المشرف العام
0 1335
اللي خذاك بطيب خاطر رجعك
ما ضمني كل الحزن واركى على حدب الضلوع
الا بعد ماجيت ادور عن عناويني معك
ضاعت معالم خطوتي يوم انطفت فيك الشموع
ليت الغرام اللي شبكني في ظلامك ولعك
قبل انتهي بك وانسحب ماكنت افكر بالرجوع
رغم الشتات اللي يبعثر من خفوقه يجمعك
مديت لك كف العطا ثم جيت لك كلي بطوع
قبضتني في راحتك مابين كفك واصبعك
جتك المشاعر ثايره وارغمت شوقي للخضوع
حتى الضياع اللي تركته خلف غيرك يتبعك
صبيت لي كاس الشقا واسقيتني من كل نوع
ليت العظيم اللي نهاني عن عذابك يمنعك
ابسئلك..في ذمتك ليه المشاعر لك تجوع؟
مادام كلك لو خذا كلي قسم مايقنعك
قد قلت لك مليون مره طاري الفرقا يلوع
وشلون الومك وانت ماعندك ضميرٍ يردعك
واليوم ابا انهي رحلتي مادامني فيك ا/مخدوع
وانحت لك احزاني على صم الصخر واودعك
ماعاد فيني للشقا ولاعاد فيني للدموع
نفس الفؤاد اللي خذاك بطيب خاطر رجعك
إسم الشاعرإسم الكاتبالبلدإسم القسمالمشاهدات
عبدالله محمد العصيميعبدالله محمد العصيميالسعودية☆ دواوين الأعضاء .. عامِّي1335
لاتوجد تعليقات