تاريخ الاضافة
الخميس، 3 فبراير 2011 02:48:32 م بواسطة المشرف العام
0 807
ضوامي
ياهاجسي ماعاد فيها تردد
ورّد ضوامينا على كل ميراد
سقها مغاتيرٍ تحن وتَلَدد
لاخالف المرباع مرحان الاجواد
بنات هرشٍ طيب ساسه مردد
فنس الخشوم مخيبة كل نقاد
شافن سحاب الوسم وقعه تمدد
كنه يناديهن على طوي الابعاد
ياهاجسي لاهنت / والوقت جدد
فيني مداهيل المشقه والانكاد
من ثقل همي قو حيلي تهدد
ياونتي من جاير الوقت لازاد
غيّر مساري من قساه وتعدد
ياكثر مايلفي على غير ميعاد
ويلاه يوم انه عليّه تشدد
اقسى من امريكا على شعب بغداد
مثل العرب ب /اشجب /واصرّح /واندد
وانا اعرف ان الحظ لو طاح مافاد
وان سقت ذودي يوم حلمي تبدد
على عقيدٍ بين عقده وعقّاد
مقصود نفسي فيه شيٍ محدد
يكرم مغاتيري وانا راعي ا/شداد
إسم الشاعرإسم الكاتبالبلدإسم القسمالمشاهدات
عبدالله محمد العصيميعبدالله محمد العصيميالسعودية☆ دواوين الأعضاء .. عامِّي807
لاتوجد تعليقات