تاريخ الاضافة
الخميس، 3 فبراير 2011 03:35:50 م بواسطة المشرف العام
1 1387
ياسعود لاترقد وانا بخاطري ضيق
ياسعود لاترقد وانا بخاطري ضيق
هات الحطب لاهنت واقبس فتيله
واليا غدا جمر اللهايب معاتيق
احمس عليه من اشقر الكيف كيله
ودي بقند اللي عليها مشافيق
صفراً من البن اليماني وهيله
حتى يجي فنجالها مابعد سيق
كيفٍ به الضرمان يبري غليله
تفتح لفكري مغلقات الصناديق
واسري مع الهاجوس بفضل وسيله
بيني وبين الشعر عهد ومواثيق
بعد الله إن ضاقت علي التجي له
شاعر ولاتصعب علي الطواريق
أبدع وأغني من سنينٍ طويله
ماجيت ادور من ورى الشعر تصفيق
شفي على بدع البيوت الجزيله
تنصاك يازبن الرجال المطاليق
هداج تيما عزوةٍ للقبيله
ماسقت رجلك مع دروب المطافيق
ومن عادتك يالقرم كسب الجميله
مضمونها يالذيب ماله مداريق
مايجهله من كان فكره دليله
العمر لحظه والليالي توافيق
والصبر نعمه والموارد بخيله
والهم حده يجرح القلب ويعيق
حلم القلوب بكل يومٍ وليله
والا السعاده كلبوها تلافيق
عزي لقلبٍ فوق حام المليله
جفت بي الغيمه على بلة الريق
وحدتني الدنيا على كل ميله
غز الأمل شوكه على قمة طويق
وطويق عمرٍ ماكسبنا حصيله
إسم الشاعرإسم الكاتبالبلدإسم القسمالمشاهدات
عبدالله محمد العصيميعبدالله محمد العصيميالسعودية☆ دواوين الأعضاء .. عامِّي1387
لاتوجد تعليقات