 إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
| دم الحمام |
| سايل على جبين الوطن |
| من ألف عام |
| دم الحمام |
| سايل على جبين الوطن |
| لما اتسجن فينا الكلام |
| لما اتولد جوانا خوف |
| من كل شئ |
| وكل شئ أصبح بكام. |
| غية حمام وقلوب حجر |
| والبندقانى بينتظر |
| يصطاد حمام ..يصطاد بشر |
| والمشهد المكتوب فى عز النهار |
| ماهوش جديد |
| من قلب قلب الموت راح تتولد |
| صرخة شهيد |
| نصبوا المشانق فى البلد يا دنشواى |
| والموت أكيد |
| كل المشانق من ورق |
| أقلام ..رصاص |
| وحروف بتستنى الخلاص |
| تكتب ميلاد |
| تكتب وفاة |
| تكتب أوامر إعتقال |
| تطرح سؤال |
| إزاى يريحنا البكا |
| والجرح فوق الإحتمال؟ |
| من ألف عام يادنشواى |
| وجيوش وشوش غير الوشوش |
| اتغيرت فيكى المعالم والسكك |
| بس البشر ماتغيروش |
| خلص الكلام |
روابط مفيدة
الشعراء:
الأعضاء:
زوار اليوم:
الزوار:
أقسام البوابة
تواصل
متابعة
