تاريخ الاضافة
الثلاثاء، 22 مارس 2011 11:01:01 ص بواسطة سعيد شكرى
0 1086
عشقتك موت
أنا ف حبك
عرفت إزاى أكون عاشق
ومقدرتش أكون معشوق
ومقدرتش أكون غير ال أنا كنتو
يادوب عاشق
على برك رماه الشوق
سهرت كتير كما العشاق
ولفيت البلاد أكتب
على خد الشجر حرفين
وقلبى وسهمك المرشوق
ومقطع من قصيدة شعر
ومكتوبة علشانك
ياغنوةلسومة ولا حليم
ودا حبك كان ونس وطريق
وإسمك ياما بل الريق
حفرتو كتير على الطرقات
انا اللى حالى علمنى
مابصش فوق
لكين الحب زى الموت
وله سكرات
أخدنى هواكى بجناحو
على ضهر السحاب مرات
وعشمنى
أكون الفارس الموعود
بجاه عرشك
ولما الوقت عدا وفات
لقيت حبك كأنه طوفان
وإنتى زى دوامة بتسحبنى
وانا بطوق النجاة مخنوق
ولقيتنى مابين خيارين
ياموت غرقان
ياموت مشنوق
عشقتك موت
إسم الشاعرإسم الكاتبالبلدإسم القسمالمشاهدات
سعيد شكرىسعيد شكرىمصر☆ دواوين الأعضاء .. عامِّي1086
لاتوجد تعليقات