تاريخ الاضافةتاريخ التعديل
السبت، 14 مايو 2011 04:44:28 م بواسطة المشرف العامالسبت، 14 مايو 2011 04:54:55 م
0 579
خبز الشعير
مثل حلم مزعج بليل مرير
زار طفل بين جدران أربعة
يشتكي همه لإطراف السرير
ولاشتكى الهم لسريره من سعة
أو شعوراللي وقف دونه خفير
دون ذنب ولا تكلم يصفعه
لم صدره من قليل ومن كثير
كل أشكال الهموم الموجعة
والشهيق اللي يجاوبه الزفير
حيلته لو حيلته ما تنفعه
مثل هذا وأكثر الوقت العسير
يفعل وبعض الملا تفعل معه
سيما كان اختفى صوت الضمير
في خضم المصلحة والمنفعة
والحيا ثوب رماه المستعير
من لبس ثوب النفاق ولاخلعه
يا الهي يا مجير المستجير
شفت أشكال العجب متجمعة
شفت ياما شفت ماصار ويصير
شفت ما يدمي الفؤاد ويفجعه
كيف شيخ ولابس ثوب قصير
والتشهد ما يفارق إصبعه
وان حكى بالدين مخزونه وفير
وبارخص الأثمان دينه ضيعه
وهالني متكبر وقدره صغير
والملا من تحت خشمه لارفعه
ورغم هذا كل ما رجله تسير
تنهض أذناب الرجال وتتبعه
عند غيري يقعد الصف الأخير
ليه للصف الأمامي ادفعه؟
دام رزقي والأجل هو والمصير
والهوا والما من الله منبعه
ليه من بعد العظيم انخى حقير؟
وليه أضيقها وربي وسعه؟
وهالني ناس رموا ثوب الحرير
ولبسوا بعده ثياب مرقعة
قادوا الدنيا وقايدهم فقير
يخرج الدنيا من حدود طمعه
ما شبع في يوم من خبزالشعير
وكل ما تملك يمينه وزعه
يا رسول الله يالهادي البشير
بعدك الدنيا نموت ونجمعه
ناخذ من حطامها الشي الكثير
والحلال مع الحرام نطبّعه
والأمم قامت علينا تستدير
والمذلة كاس مرونجرعه
ومجدنا سيف مصدي في جفير
ووجهنا كل ايد كافر تصفعه
وللعراق سنين في سجنه أسير
وقدسنا ينخى ولاحد يسمعه
وانفتاح العولمة هذا الأخير
مثل حد الموس صرنا نبلعه
وآه يا كثر الرغا عقب الهدير
والتوسل بعد كثر الجعجعة
يارسول الله يالهادي البشير
نور هديك مثل شمس ساطعة
بس كيف يشوفها من هو ضرير
في ظلام المصلحة والمنفعة
إسم الشاعرإسم الكاتبالبلدإسم القسمالمشاهدات
عواد ملهيعواد ملهيالأردن☆ دواوين الأعضاء .. عامِّي579
لاتوجد تعليقات