عناوين ونصوص القصائد   أسماء الشعراء 
الشعراء الأعضاء .. عامِّي > مصر > جمال مرسي > أمرك غريب

مصر

مشاهدة
1230

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

أمرك غريب

أمرك غريب
أمرك غريبْ
هو انت مش برضو الحبيب؟
ليه كل ما تقرب خطايا تكون بعدت كتير قوي
والقاك بمرمى الشوف تشوف جرحي
وتفرح بالقوي .
حلم و حلمناه من زمان جدا سوا.
ليه تقتل الحلم اللي يوم عن يوم بيكبر ف. القلوب
وتطيّره زي الهوا؟
مش هو ده برضو الهوى؟
اللي انت ياما حكيت لي عنه
أو رسمته فوق جذوع النخل قلب كبير و سهم عليه
حروف من إسمنا؟
وبنيت لي فوق الشط قصر
وقلت دا البيت الكبير اللي هيجمع شملنا؟
ليه مرة واحدة اشتد موج بحرك
وغرّق فيه كلامنا و حلمنا؟
ليه نظرة الشك ف. عنيك
والكلمة نايمة ع. الشفايف خايفه تطلع
خايفه توجع
قول بأنك مش هترجع
قول بأن كتابنا في الحب انطوى .
مش ه لومك أو أعاتبك
مش ه لوم قلبي اللي حبك
مش هلوم طيفك إذا مر بعنيا أو أحاسبك
بس لازم تفتكر
قلبي اللي نازف فوق اديك
سكّنته قبل الجرح قلبك .
م
جمال مرسي
بواسطة: جمال مرسي
التعديل بواسطة: د. جمال مرسي
الإضافة: الأحد 2011/05/29 07:08:36 مساءً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com