تاريخ الاضافة
الأحد، 29 مايو 2011 03:19:09 م بواسطة د. جمال مرسي
0 701
صورة على الحيطان
صورة على الحيطان
كانت ليله و لا الأحلام
تنام كل العيون جنبي
و عين قلبي و لا بتنام .
اشوف صورتك على الحيطان
بتندهلي
و انا العطشان .
اجيلك في الخيال وارسم
معاك حلمنا الوردي
أميرة قلبي دا قصرك و انا السلطان .
اشبّك بكره بامبارح
و انا سارح
أشوف عينك بتغمز لي
تفكرني
بأول يوم قابلتك فيه
و كنتي لابسه مريلتك
و رابطه الشعر بشريطه
و تاني يوم لقيتك بنت اموره ببرنيطه
و في الجامعه
أميرة ف. منتهى الروعه
و تالت يوم لقيتك قاعده في الكوشه
عروسه منوره الزفه
و كان قلبك بينده لي
و مش قادر أخطيلك على المعازيم
من الرجفه
و لا استوعبت ان هناك على الكرسي
اللي كان جنبك
واحد غيري .
و رابع يوم لقيتك شايله فوق صدرك
ملاك نايم
و ماسكه بإيدك الطاهرة
يمامه و جنبها عصفور
فضلت أدور
و لا مصدق بأنك لسه قدامي و انا شايفك
ملاك من نور .
حضنتك ( بس في الصورة )
و غمضت العنين و غفيت
لقيتك جايه في حلمي تراوديني
تنسيني مرار أيام طويلة عشتها وحدي
غريب في دنيا لا بترحم و لا بتدّي
و بوستيني على خدي
ساعتها صحيت .
لقيتك واقفه قدامي لكن صورة على الحيطان
حضنتك ( بس في الصورة )
و روحت أنام .
إسم الشاعرإسم الكاتبالبلدإسم القسمالمشاهدات
جمال مرسيجمال مرسي عاميمصر☆ دواوين الأعضاء .. عامِّي701
لاتوجد تعليقات