تاريخ الاضافة
الأحد، 29 مايو 2011 03:54:37 م بواسطة د. جمال مرسي
0 741
رايات النصر
رايات النصر
رايات النصر مرفوعه
و كلمة حق
رغم الحرق
و التدمير
و ألف شهيد و خمسه زيهم جرحى
في كل الأرض مسموعه
و صوت غزةْ
على صوت النيران جلجل
أنا العزة
أنا الثورة على الطغيان
و ليه أبكي ، أو البس توب من الأحزان
و انا المنصوره رغم فظاعة العدوان .
و أولمرت الخبيث مهما
يوقف من طرف واحد لظى النيران
راح أفضل أقاومه و جيوشه
بصبري و عزم أبطالي
و اردد لحن موالي
لحد ما اشوف تراب أرضي
نضيف ما تدنسه رجلين خسيس و جبان .
و اشوف بحرك
بيضحك تاني يا غزة
و يعلى الصوت
و يتحدى الدمار و الموت
أنا غزه
أنا المكتوب على جبيني
أحطم أي خوف و سكوت
و تفضل في السما عاليه و مرفوعه
رايات النصر و العزة .
إسم الشاعرإسم الكاتبالبلدإسم القسمالمشاهدات
جمال مرسيجمال مرسي عاميمصر☆ دواوين الأعضاء .. عامِّي741
لاتوجد تعليقات