تاريخ الاضافة
الأحد، 26 يونيو 2005 01:53:06 م
0 791
الله من قدي
تخــيَّل تزرع ورودك على الغيــمه وتقطفها
وتهديني أنا ورده واخلّيها على خدِّي
وتالي تمسك الغيمه تقلِّي يا اللـه اوصفها
واشــبِّهها على قلــبي ويطلع لونها وردي
ونسبح في الفضا والأرض نبعد عن مشارفها
ونضحك للنجوم الزاهية وانطير ونعدي
ويعزفــنا الغــلا ألحــان تطــربنا معـازفها
ويلهمنا الشعر أحلى الحديث الهامس الودِّي
ونهدي للثريا نجـوم أحلى عن وصايفها
ونهدي للبدر هاله تفوق الوصف وتعدِّي
وتغمرنا المحــبه حب وتلهـبنا عواطفها
وتسألني عن شعوري واقول الله من قدِّي
أنا أسعد بشر وانته أعز الناس والْطَفْهَا
وأغلى حب في قلبي عزيز وغالي عندي
وتالي تاخذ الورده تبــي تمزح وتحذفها
وتمسك لي يدي واصحى والاقيها على خدي
إسم الشاعرالبلدإسم القسمالمشاهدات
مطلع الشمسالإمارات☆ شعراء العامية في العصر الحديث791