تاريخ الاضافة
السبت، 24 يونيو 2006 08:26:21 م بواسطة غيمة غلا
0 1006
الثأر
الثأر
ارخصت لك عمري وكان الرجا فيك
وجعلت نبض القلب دايم يصونك
سهرت ليلي معتكف لك واناجيك
وياما هنتني بلعبتك وبضنونك
وبالحيل هنت اللي لقى عزته فيك
وقهرت شخص(ن) مخلص (ن) لك يمونك
قررت اشد الركب عنها اراضيك
ولاني بسامع كذبتك او فنونك
دامك رخصت الحب والله (م) أشريك
جف و ذبل ورد الهوى في غصونك
ياما أمطرت بدموعها عيون مغليك
وأنته سلي فلعبتك وفشجونك
كرهت ذكرك وأكره اليوم طاريك
وافرح إذا شفت الحزن في عيونك
ويرتاح بالي لاقستلك لياليك
واصبح قرير العين واسعى لهونك
وادعو عساه الوقت بالهجر يبليك
وتصبح كسير القلب تنشد لحونك
ويجعل مع الأيام غيمه تماشيك
تمطر عليك الهم وتكثر حزونك
وتبقى بعد مديون بالحب وأجفيك
وعاجز مع الأيام توفي ديونك
إسم الشاعرإسم الكاتبالبلدإسم القسمالمشاهدات
غيمة غلاغيمة غلاعمان☆ دواوين الأعضاء .. عامِّي1006
لاتوجد تعليقات