تاريخ الاضافة
الثلاثاء، 20 سبتمبر 2011 01:09:34 ص بواسطة المشرف العام
0 2145
وش عليك ان همت في وادي مرادي
وش عليك ان همت في وادي مرادي
وش على فـراج لاهوجـس فـرج
لاتشك اني الـى ماصحـت هـادي
خاف ابين لك مـن انـت وتنحـرج
النصيحه خلها لـك وانـت عـادي
منـت باللـي راح للقـدس وعـرج
العواذل عشـرة واصبحـت حـادي
عشـرة راحـوا مراويـح الـدرج
غادي وانا لو اسمـع منـك غـادي
واشهد انك اللي ماصاب الى هـرج
كيف باطرح من على شفي شـدادي
واقتـدي باعمـى وتايـه واعـرج
وكيف بانساها وانا لاجيـت انـادي
اتمسـك باسمهـا خـوف يـخـرج
فكـرة النسيـان منـزال بــوادي
وطيفهـا سيـل مسيـره يـنـدرج
وقدرها في العين وان حول فـوادي
والغـلا يطلـع علـى مثـل الـدرج
حسنهـا واسلوبهـا سـر انقيـادي
والوفـى والصـدق حـدث لاحـرج
وصلها كايد وهـي تسكـن بـلادي
انشـد اللـي بالمرابـع قــد درج
روحت باسلـوب مقبـول وحيـادي
وخلدت في القلب عكس احرف(حرج)
عقبها الابيض غدا مثـل الرمـادي
وفي عيوني ضاقـت افجـوج زرج
وانتهى ضحكـي وحاربنـي رقـادي
وانقطع حبل الرجـا واقفـت مـرج
وفر اهروجك وانـا هـاذا مـرادي
ليـن ربـي زيـد ياتـي بالـفـرج
إسم الشاعرالبلدإسم القسمالمشاهدات
محمد بن فطيس المريقطر☆ شعراء العامية في العصر الحديث2145