تاريخ الاضافةتاريخ التعديل
الأربعاء، 28 سبتمبر 2011 12:05:24 م بواسطة الشمالي جمهور سفر العصيميالأربعاء، 28 سبتمبر 2011 01:49:27 م
0 543
ضابط الإيقاع
ياضابط الإيقاع تكفى هَدّ هَدّ
دوبك على قلب الشقى لا تتعبه
يجتاحني حبك ويقفز سَدّ سَدّ
مايردعه بابٍ مقفل وعتبه
حتى ملكت أكبر مساحه حَدّ حَدّ
تحتلها من منكبه ليا منكبه
دولة محبك اذعنت لك بَدّ بَدّ
صفيتها من أية عوالق وأتربه
ريضانها سهله عن أية شَدّ شَدّ
حتى الحنايا بالخزاما معشبه
عين الرضا تكفي بليا رَدّ رَدّ
قلبٍ محب وراس ماله مكسبه
من الثمر وعقود لولك أَدّ أَدّ
زكاتك اللي في حلالك موجبه
أخاف من يومن يجي به صَدّ صَدّ
وأطيح من برجي قبل لا أنتبه
كم مرّه أسأل بعد جهد وكَدّ كَدّ
ويش إمنياته لجل أحقق مطلبه
يرضي غروره يوم أقوله فَدّ فَدّ
والا القصايد يوم أغني تعجبه
شعر النبط لو قمت أمده مَدّ مَدّ
أو أقصره وأمحيه وارجع وأكتبه
وصفه يحير شاعرٍبه لَدّ لَدّ
حتى يجيب من أعذب الشعر أكذبه
والا الشمالي راح يضرب يَدّ يَدّ
من حيرته مغير يفتل في اشنبه
هي للقريحه روح وأيضا نَدّ نَدّ
والقاف هي عوده وناره وحطبه
كم طاح شيخ من عيون وضَدّ ضَدّ
بعد الهزيمه قال حامض ياعنبه
لنّه وريث الزين كله جَدّ جَدّ
فيه الحلا من أصل بيته ونسبه
غير العيون الغنج منه الخَدّ خَدّ
كل الليال السرمديه ترغبه
والعود راهي ممتلي والقَدّ قَدّ
يأخذ من العفري قوامٍ ورقبه
جول النحل مابين هات ووَدّ وَدّ
على مايونيزه وحمرة كتشبه
اليوم انا طيب لكن الغَدّ غَدّ
مدري يزين الحال والا يسلبه
أقول لحيامه تفضّل عَدّ عَدّ
يامرحبا بالموت لو كان سببه
إسم الشاعرإسم الكاتبالبلدإسم القسمالمشاهدات
الشمالي جمهور سفر العصيميالشمالي جمهور سفر العصيميالسعودية☆ دواوين الأعضاء .. عامِّي543
لاتوجد تعليقات