تاريخ الاضافةتاريخ التعديل
الإثنين، 17 أكتوبر 2011 09:50:11 م بواسطة المشرف العامالإثنين، 17 أكتوبر 2011 09:55:58 م
0 1947
أحب الناس
ترى الذبايح و أهلها ما تسليني
أنا أدري إن المرض لا يمكن علاجه
أدري تبي راحتي لا يا بعد عيني
حرام ما قصرت يديك في حاجه
أخذ وصاتي وأمانه لا تبكيني
لو كان لك خاطرٍ ما ودي إزعاجه
أبيك في يديك تشهدني وتسقيني
أمانتك لا يجي جسمي بثلاجه
لف الكفن في يديك وضف رجليني
ما غيرك أحدٍ كشف حسناه واحراجه
أبيك بالخير تذكرني وتطريني
يجيرني خالقي من نار وهاجه
سامح على اللي جرى ما بينك وبيني
أيام نمشي عدل وأيام منعاجه
همي عيالي وأنا اللي فيْ ..كافيني
علمهم الدين تفسيره ومنهاجه
هذه القصيدة ارسلتها لزوجها و هي في مرض وفاتها من المستشفى
و يقال ان زوجها رد عليها بهذه الابيات ولم استطع توثق هذا .
حـاولت أنـام وحـاربت عـيني النـوم *** وجـريت صـوتٍ مثل صـوت الذيابـه ***
الجفـن كنـه صـار ضـايـق ومـهـزوم *** ودمـوع عينـي مثل رس السحابه***
عـلـى وليــف قـالوا اليـوم مـرحـوم *** فـارق وراح ومـا تهنى في شبابه ***
زرت القبور اللي على بعضها ارسوم *** وخطيت رسم فوق ذيك النصابه ***
قــلبي مــن الـدنيـا عـليه مـرســوم *** والرسـم تـوه عـقب خـط الكتابه ***
أحـبهـا مـيـر الـقـدر صــار مقســوم *** ويــحـبـها كــل الأهـل والـقـرابـه **
المـوت أخذهـا واودع القلب مثـلـوم *** جــرح عـمـيق مـا يداوي صـوابه***
المـوت أخذ شجعان وارخوم وقـروم *** وأخذ رسـول الله وبـاقي الصحابه ***

إسم الشاعرالبلدإسم القسمالمشاهدات
وسمية هويدي العازمي (عابرة سبيل )غير مصنف☆ شعراء العامية في العصر الحديث1947