تاريخ الاضافة
الجمعة، 21 أكتوبر 2011 11:19:17 م بواسطة ملآذ الزايري
0 868
البنت ياحبها
كل ما اتصل فيك.. صبح وليل تشكي لي
من عوج الأوضاع والدنيا ومتاعبها
مليت ياصاحبي مابيك تحكي لي
هالأسطوانة أنا مليت مطربها
حتى خيالك بتالَ الليل ياتي لي
جروح وعيون معقودة حواجبها
عيّشتني بعالمٍ ماهو على جيلي
زهرة شبابي حرام انك تخرّبها
ياما هجرتك ولا كمّلت ترحيلي
حبايبٍ ماتعبر عن حبايبها
حبيبتك ماتحمل هالبهاذيلي
إضحك معاها ولا طفها ولاعبها
هيّا تغزل وغن وزيد تدليلي
البنت يا حبها للي يداعبها
قلي إش رايك بفستاني ومنديلي
ألوانهن تعجبك، أو مانت راغبها؟
وقلي اش رايك بعقدي مع خلاخيلي
وشف قذلتي يوم قصّينا ذوايبها
وقلي اش رايك بأطباعي واقاويلي
لاحظ عليها وغيّرها وشطّبها
خل بيننا انقاش وعلوم وتعاليلي
وآمر على البنت وان حبّيت طالبها
يامدمن الهم كافي دمع بالليلي
بكره بتشبع من الدنيا ومصايبها
دنياك والله.. ماتسوى التزاعيلي
حتى ولاهيب كفو اللي يعاتبها