تاريخ الاضافة
الجمعة، 21 أكتوبر 2011 11:25:29 م بواسطة ملآذ الزايري
0 768
أخر موعد
له موعدٍ لاروّح الليل وياي
أول وآخر موعدٍ مع فتاته
اليوم ما تنفع دموعه ورجواي
اليوم تفصل عن حياتي حياته
اليوم يعطيني بقايا بقاياي
واعطيه انا ما شلت من ذكرياته
اليوم بابدّل مشاعر حناياي
يصبح من اخواني وانا من خواته
اليوم يتركني لحالي بدنياي
مجبور يقفي لو يزيد التفاته
اليوم يخلف عن مماشيه ممشاي
والله مااظمن من عذابه نجاته
لو اتعلّق فيه ماينفع ابكاي
خلاص فات الوقت واعلن فواته
اليوم بعطيه العزا عفب فرقاي
عندي خبر وش قيمتي في حياته
وانا العزا مابيه من كبر بلواي
ماينفع اللي عاش واعلن وفاته
يارحمة الله ساعديهم بسلواي
يعوضه الله بانكسار امنياته
اليوم ياهمي وياطول مسراي
ويا فرحة العذال واهل الشماته