تاريخ الاضافةتاريخ التعديل
الأحد، 20 نوفمبر 2011 12:11:10 ص بواسطة الشمالي جمهور سفر العصيميالأحد، 20 نوفمبر 2011 02:31:53 م
0 614
الشيطنه والشقاوه
الشيطنه والشقاوه حيل تسعدني
فديت روحك وطبعك وابتساماتك
العب ياالبيه من ما تشتهي زدني
بالروج شخبط كراكتيري بمرآتك
ماآقول عطني ولا للبير ورّدني
يكفيني آكون من ضمن إهتماماتك
ياما سألني ظلام الليل وأجهدني
نفس السؤال المكرر ويش مأساتك
واجابتي نفسها يالليل وسدني
معصم سباتك وتقفللي ملفاتك
أنادمك واْنت غمضة عين تحسدني
اسود نوايا تمارس كل سلطاتك
تسدل عليّـه وشاحك لين تضهدني
بين السكون الرهيب وبين آهاتك
خل السوالف وتكفى لا تنشدني
أنا الذي كل ليل احييت حفلاتك
ويقول صبح جمعني فيه مجدني
وأقول تستاهل الناموس مشكاتك
انت الذي فيك راودته وراودني
ياحي صبحك وعصفورك ونسماتك
أرشدت من تاه فالظلما وترشدني
قبله على الراس والأخرى بوجناتك
قال أكتفي بالمديح أخاف تحسدني
لكن والله ماتمشي حراكاتك
حبـّتك هذي حشا ماأظن تقصدني
ارسلتها للحبيب وطف لمباتك
قلت آه ياصبح بس ابيك توعدني
وصّل لها قبلتيني كل ماجاتك
انا الذي فالهوى قولي يخللدني
يابنت حوى تناسي كل مافاتك
ياهن ياهيه يااْقرب من طرف ردني
سجّـل شعار الشمالي في سجلاتك
مابيك ترخي لي الهامه وتعبدني
لكن ماكون في هامش علاقاتك
إما على نوتة الأحباب ترصدني
في أول القائمه وبلون حناتك
والا بشفافية الإحساس إبعدني
أحسن من العيش في داخل متاهاتك
إزرع ودادك ببستاني وتحصدني
حتى ولو كان حتفي عند خدراتك
يمكن تلاقي مية واحد يقللدني
في حب طيفك وفستانك وسهراتك
إلا انا يااشقااي الله يساعدني
أموت وأحيا متيم فى هوى ذاتك
في ثومة القلب حرفينٍ تأيدني
ماتنمحي غير بيدينك وممحاتك
إسم الشاعرإسم الكاتبالبلدإسم القسمالمشاهدات
الشمالي جمهور سفر العصيميالشمالي جمهور سفر العصيميالسعودية☆ دواوين الأعضاء .. عامِّي614
لاتوجد تعليقات