تاريخ الاضافة
الإثنين، 21 نوفمبر 2011 03:43:36 ص بواسطة الشمالي جمهور سفر العصيمي
1 683
من هيرتز الموجات
من هرتز الموجات شوّش أريل العقل الرجيح
تنشر محطات الفضا عبر الأثير إذاعته
تحليل شفرتها تعدى مصطلح فخر المديح
على ثلاث أبعاد والمجنون صعب إقناعته
جاذبتها من ريهجان العد لو ينضح نضيح
غربٍ سقى غرس الضمير اللي هشيم زراعته
جمة زلال الماء سوانيها من الغبه تميح
تأخذ هقاويها رزان العقل قبل إقلاعته
لون البياض اللؤلؤي ماهو لبن ولا لتيح
كنزٍ بمحاره لقاه اللي كسر قوقاعته
مايختلف وقع الرصاص اللي على الشاره يطيح
إلا من النيشان والا زرفها وسراعته
وإن زمت البندق كذا عنوه من الوجه السميح
للبطش عالم فاضيه والهوش له فراعته
الطود ورجومه عنيده حيل والزبده تسيح
يقضي عليها راعي التنباك من ولاعته
أما الليالي لو تمخض بالمليح من المليح
ماشفت طفل بدمعته يبكي على رضاعته
يحدى الذيابه عن طويل الرجم أصداء الضبيح
دام أشهب السرحان يرخي للصدى سماعته
والمهري اللي يحمل البقشه وفالشارع يصيح
الله يغنينا عن البايع وسوء بضاعته
دنيا العنا مركازها دايم على حامي صفيح
أو ينفجر شرخ الهموم وتتبعه طرطاعته
اللي سلم من همها يرقد على الجنب المريح
إمن الفرح لن قام من نومه يطق إصباعته
إسم الشاعرإسم الكاتبالبلدإسم القسمالمشاهدات
الشمالي جمهور سفر العصيميالشمالي جمهور سفر العصيميالسعودية☆ دواوين الأعضاء .. عامِّي683
لاتوجد تعليقات