عناوين ونصوص القصائد   أسماء الشعراء 
الشعراء الأعضاء .. عامِّي > السعودية > الشمالي جمهور سفر العصيمي > مهند وطوني

السعودية

مشاهدة
953

إعجاب
0

تعليق
0

مفضل
0

الأبيات
0
إغلاق

ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك

إرسال
انتظر إرسال البلاغ...

مهند وطوني

أقول بسم الله قبل رد الأبيات
وقدّام لا تقرأ القصيد العيوووني
والمنتدى ماهو بمركز جوازات
وش عندهم لبطاقتي يطلبوووني
مافيه داعي مير هيهات هيهات
ياليتهم في عزلتي يتركوووني
والوضع مايحتاج كثر إحتمالات
أنا الشمااالي كلكم تعرفوووني
شف صورتي وارضٍ لها بي علاقات
يالله سترك قبل لا تنظلوووني
ما ودّي آسجل لنفسي دعايات
لا هو ب من طبعي ولا هى شئوووني
لكن راسي مااْندرق خلف شاشات
خطو الهلايم والضعوف العفوووني
أبين واْرقى فالقذّال الطويلات
مع الحرار ومرهشااات المزوووني
والحمد لله كل اْبوها سهالات
مير إصبرولي وأنصتو وإسمعوووني
الأسم جمهور العصيمي وبالذّات
لا ثارت الهيجا وجنّت جنوووني
ربعي بني عاصم رجال المهمات
ماقولها هقوة ولاهي ظنوووني
تاريخ وموثّق بصولات جولات
من وقت ردّات البرى والديوووني
بالمارتين وبالسيوف الصقيلات
ماهم من اللي بالوطى ينزلوووني
من دون قاصر فالجمال العريبات
من كل شكل وكل صنفٍ ولوووني
قدام يلحقني من الناس شرهات
يومن فالأفكار عالي ودوووني
الهرج قرضة ملح وبليس مامات
لو حانت الفرصه نطح بالقروووني
ماجيت أفاخر بالنسب والعصابات
حبيت أداعب كل من يسألوووني
لكن لي قبل اختتمها طلبات
أمووون مثل اللي عليّه يموووني
إسمي فقط مابيه لوحه على شات
حتى ولو من شاتهم زوجوووني
لاتحفظون الأسم وسط الملفات
خلوه في قلب الذي مايهوووني
خويي اللي لو تطول المسافات
ينقل حمولٍ وسّمت في متوووني
شرواك يالنايف زبون الونيات
وجبال صمى والحصون الحصوووني
وإن راحت الدعوه معاكس بنيات
أغيّر إسمي لأجل مايزعلوووني
طبع الهواوي لو يسوّي حراكات
واللي على دروب الشقى يفهموووني
في الف ليله والقصص والروايات
مرّه مهند واْغلب أحيان طوووني
والمنتدى اللي حط اْمامي مطبّات
عيا يطاوع لا ينسّق لحوووني
لولا إن في صدر الشمالي مساحات
كان اْتركه والعارفه يعذروووني
الشمالي جمهور سفر العصيمي
التعديل بواسطة: الشمالي جمهور سفر العصيمي
الإضافة: الاثنين 2011/11/21 07:55:28 صباحاً
إعجاب
مفضلة
متابعة

أضف تعليق

يجب تسجيل الدخول أو الاشتراك أو تفعيل الحساب اذا كنت مشترك لإضافة التعليق


أعلى القصائد مشاهدة للشاعر
أعلى القصائد مشاهدة خلال 24 ساعة الماضية
انتظر معالجة القصيدة ...
جميع الحقوق محفوظة لبوابة الشعراء .. حمد الحجري © 2005 - برمجة وتصميم
info@poetsgate.com