تاريخ الاضافة
الإثنين، 16 أكتوبر 2006 03:03:39 ص بواسطة حمد الحجري
1 2558
من يقول الزين ما يكمل
من يقول الزين مايكمل حلاه
كل شي(ن) في حبيبي اكتمل
الله اللي كمله والله عطاه
مابقى للزين في خلّي محل
العيون أحلى من عيون المهاه
شافها قلبي و صفّق و احتفل
نظرته من فتنته شعلة حياه
والجفون من الحيا فيها كسل
ساهم(ن) رمشه على الخد وسناه
كن لمعة وجنته ورد(ن) وطل
الشفايا كنها جمر الغضاه
تحرس الريق المحلّى بالعسل
والشعر ليل(ن) نقل حمرة مساه
أجعد(ن) حوّل على صدره همل
مايج من فوق متنه ماطواه
لون شلال(ن) مع المغرب نزل
وأنطلق جيده يماري في بهاه
فوق مياس(ن) تعزّل واعتدل
بالرشاقه فيه من ظبي الفلاه
لي مشى كنّه على الروح انتقل
ريحته من كل زهر(ن) منتقاه
والزياده للخزامى والنفل
صافي(ن) مثل المطر فوق الصفاه
باسم مثل البشاير بالأمل
جامع(ن) من كل زين منتهاه
مستحيل الوصف في خلي سهل
كايد(ن) ماهو يلين لمن بغاه
يرتفع عن كل سقطات الزلل
إسم الشاعرالبلدإسم القسمالمشاهدات
خالد الفيصلالسعودية☆ شعراء العامية في العصر الحديث2558