تاريخ الاضافة
الأربعاء، 30 نوفمبر 2011 11:56:47 ص بواسطة الشمالي جمهور سفر العصيمي
0 466
الشعر والنقد
واراسي اللي من عنا الأيام شاب
والكبد فيها المر زاد إفرااازته
مخنوق مدري فيّ ضيقه وإكتئاب
على النبط واللي يحب إيعااازته
وأخص لجنه فعلها لون الغراب
منها الشمالي قد كسر تلفااازته
اللجنه اللي بين ضرس وبين ناب
كيف الثقه والصدق منا حااازته
من نهج قناص الحصاني والذئاب
كلن مولم للهدف خرااازته
في حال والا حال تمشي ماتهاب
يوم إختلط عاااديه مع ممتااازته
أمور تمشي فالخفا على الدواب
رجم العنا يذري هيال إقوااازته
بسبابهم ياكم حزين وكم مصاب
الخبز يحرق لا كثر خبااازته
اللجنه اللي ماتدقق في الصواب
والا الخطأ بالنص كيف إجتااازته
ابيات مكسوره شف الشئ العجاب
بيتٍ عرج يمشي على عنّـااازته
إن كان ماشافوه من قو الضباب
بالإذن يُـسمع جـرْس من عكااازته
هذا هو الوقت المناسب للحساب
بعيد عن همااازه ولمااازته
مرفوض مبدأ نسمعه من كل شاب
مو مشكله كلن يصلح عااازته
اللي معه عقل وبصيره وإنتساب
ماعاد تغضي للخطا غمااازته
هاتو لنا قاضي وانا أبرك للعقاب
وإنواعد الجمهور في إجااازته
ياأعتذر.ياآخذ اعذار وخطاب
مانيب جاهل يرضع فـ بزااازته
الشعر فالمضمون يامال الذهاب
ماهو فـ تنسيقه وفي بروااازته
انا حقنت الشعر فـي دمي وذاب
فـ الأكسجين اللي اْنتنفس غااازته
وإذا بغيته جبت ما لذ وطاب
الورد إكليله يجمل فااازته
لكن توبه يابنات وياشباب
شيعت للشعر النبط جنااازته
ابعتزل وارقى على روس الهضاب
مع العقاب الصيرمي وبااازته
إسم الشاعرإسم الكاتبالبلدإسم القسمالمشاهدات
الشمالي جمهور سفر العصيميالشمالي جمهور سفر العصيميالسعودية☆ دواوين الأعضاء .. عامِّي466
لاتوجد تعليقات