تاريخ الاضافة
الأربعاء، 30 نوفمبر 2011 12:07:46 م بواسطة الشمالي جمهور سفر العصيمي
0 542
سلّم الذكريات
عديت سلم ذكرياتي ولفته
حتى وصلت أرشيف حفظه من الراس
رجم العنى اللي فيه حملي نسفته
فالذكريات اللي على كل قرطاس
ورجعت للماضي بزينه وزفته
محتار جدا واضرب أخماس بسداس
ياما ظلمت القلب ولا نصفته
ماقلت له إصبر ولاقلت لا باس
حتى الدوى اللي من عنادي وصفته
في سجنه اللي من ورى حدب الأقواس
من صيدليات المآسي صرفته
وأسقيته بيمناي كاسٍ ورى كاس
عليه ساعدني غرامٍ غرفته
من كل نبعٍ يروي أثمار يباس
وردٍ ذبل بيدي ووردٍ قطفته
أخرج من الهوجاس وادخل بهوجاس
الشعر من بعد أريش العين عفته
ماعاد اباخذ لي على الخيل مرواس
لو ينعسف قلبي لغيره عسفته
قبل الخساره والهزيمه والإفلاس
لكن أبوفي في يمينٍ حلفته
لا يتعب الخافق ولا تشره الناس
توبه وهذا الموقف اللي وقفته
حتى آتحاشى سالفة طابخ الفاس
لو كان دمي من وريدي نزفته
رضيت بالعيشه بلا قلب واحساس
إسم الشاعرإسم الكاتبالبلدإسم القسمالمشاهدات
الشمالي جمهور سفر العصيميالشمالي جمهور سفر العصيميالسعودية☆ دواوين الأعضاء .. عامِّي542
لاتوجد تعليقات