تاريخ الاضافة
الجمعة، 9 ديسمبر 2011 07:30:27 م بواسطة ملآذ الزايري
0 905
العيد باكر
العيد باكر أسعد الله ممساك
و الله مدري وين خدٍ جلسته
وين انت ياللي عيدنا في محياك
كف القدر من ضيقة الخلق بِسته
من يوم ما لوّحت لي كف يمناك
لليوم دمعي بالخفا ما حبسته
و من يوم ما ذوّقتني حرّ فرقاك
و الياس زرعه في حياتي غرسته
شريت لي ثوبٍ على شان لقياك
و الثوب راحت موضته ما لبسته
و شريت عطرٍ ما زهاني بليّاك
أربع سنين بعلبته ما لمسته
و دفتر قصيدٍ كل يوم يترجّاك
ما فيه يومٍ ما سهرت و درسته