تاريخ الاضافةتاريخ التعديل
الإثنين، 13 فبراير 2012 10:25:50 ص بواسطة عاطف الجندىالإثنين، 13 فبراير 2012 07:10:33 م
0 392
نقطتين
أنا حسّيت بإحساسك
وعينك راسمة ع المسافات
ضيا عينى
يا واخدة العمر من نظرة
و مالكة الروح بتسبيله
أنا إنسان
ضعيف القلب مش قادر
أصد الريح
عيونك واخدة إحساسى
ف طريق تانى
بتفتح لي زنازينك
دروب العشق و التوهه
ألف بلاد
ألف بلاد وأنا قاعد
بلمّ الجرح مش عارف
واخدنى لفين
عيونك زى ندّاهة
بتنده لى إشاراتك
رسايل من سفن غارقه
فى بحر الآهه والموّال
يادوب الحلم كان فاضل
عليه شطين
و أعدى لك
ونتوحد نغم وكمان
ونعزف لحن إحساسنا
مقامات الهوى ضاعت
ورحنا ف درب عزفه نشاز
قوليلى الغربة أحوالها
بتعمل أيه ؟!
بترسم أيه فى كرّاستك
تلوّن فرح
أو شخابيط
حصان الفكر متعافى
جاررنى وراه
بعدى البحر للتّانى
ومن تانى بعود تانى
وأسكن دفتر الحواديت
مقرر قصّتى فى الدنيا مقريه
بكل لسان
بحبك ياللآ صبِّي لي
كاسات أحزان
بحبك ياللا هاتي لي
كاسات الهم هاشربها
و هدعى لك
تزيدى كمان
مانا سلّمت إحساسي
و قلمى ويا كرّاسى
وفاضل
نقطتين وأندم
يا تيجى أو أموت
أرحم !
***
10/11/1999
* من ديوان ( العيون السود ) الصادر عن سلسلة منتدى عاطف الجندي فى يناير 2012
إسم الشاعرالبلدإسم القسمالمشاهدات
عاطف الجندىمصر☆ دواوين الأعضاء .. عامِّي392
لاتوجد تعليقات