تاريخ الاضافة
الخميس، 16 فبراير 2012 07:36:17 ص بواسطة عاطف الجندى
0 406
ولادة
يا حلوه جسمك
بسمتك
رسمة شفايفك
كُحْلتك
خلونى أحلم بالمدى
بالانطلاق عبر الفضا
من بين ضفايرك يا حبيبتى
طلع لى ريش
ومن عينيكِ
أشرب وأعيش
وبين إيديكِ
يا أميرتى
باتولد
جاني الغرام
بعد الولادة بثانيتين
باكتب أنا
مليون قصيدة عِشتهم
شايفة ولادك
يا حبيبي ع الورق
ماشيين فى دربى وسكتى
جيش م العواطف
عشتها
جوَّا عينيكِ فرشتها
خطِّى
خطِّى على عمرى اللى عاشق
خطوتكْ
دوسى فى قلبى
بنظرتكْ
شايفك بعين الشوق يمامة
قلبها لىَّ سكنْ
وبقيت لها شمس الوطن
و اتمنى أكون لك قسمتك
شايفك غزالة أغزل لها
عمرى شبكْ
لو مرَّه بعدت خطوتك
شايفك فراشة ف غيط زهور
خلينى زهرة ف جنتك
خلينى زهرة
ف جنتك !
***
10/5/1999
* من ديوان ( العيون السود ) الصادر فى يناير 2012 عن سلسلة منتدى عاطف الجندي الأدبي
إسم الشاعرالبلدإسم القسمالمشاهدات
عاطف الجندىمصر☆ دواوين الأعضاء .. عامِّي406
لاتوجد تعليقات