إبلاغ عن خطأ
ملحوظات عن القصيدة:
بريدك الإلكتروني - غير إلزامي - حتى نتمكن من الرد عليك
انتظر إرسال البلاغ...
|
إلى محمد عاطف |
تاعبنى إنت يا قلبى
|
ولد مفعوص |
ومشَّيطنْ |
لكن راقد هنا ف صدرى |
ومتْسلطن |
ما أنا خابزك |
وعاجن جتتك بالحبْ |
رغيف صابح |
ماهوش مايع |
ولا محروق فى فرن الحب |
ولما تهل و تجينى |
وتدخل بين شرايينى |
أقول الله |
وأنسى الآه |
أحط إيدى على قلبى |
وأقرا آية الكرسي |
وأتْعوِّذ |
فتضحك لى |
أقول لك م الحكاوى كتيرْ |
وأغزل من خيالى حريرْ |
ألبِّس جسمك الفرحه |
*** |
وساعه عنى |
تتخبَّى |
وترقد فوق رموش عينى |
أنا سامعك |
ومش شايفك |
تلاعبنى استغمَّايه |
وتتخبى ف دولاب صدري |
بتتشاقى |
وانا دايب فى عفرتَّك |
ولما تنام |
أنا اشيلك |
وأقوم رايح على سريركْ |
تقوم ضاحك |
بتضحك ليه؟! |
بتضحك ليه على قلبى |
اللى حبك |
قبل ما تجينى |
ما صورتك هى تكوينى |
وزغبى لسَّه ما طيَّرْ |
سيناريو وفيلم متصوَّر |
أنا عشته زمان برضك |
وأنا صغيَّر |
وتضحك قد ما تضحك |
أنا قلبى |
بيضحك لك |
*** |