تاريخ الاضافة
الخميس، 16 فبراير 2012 07:56:49 ص بواسطة عاطف الجندى
0 379
كنت قول لى
***
مِش كنت تقول لى
إنك حبيتْ
وإن إنت عينيك
بتقول لى ياريتْ
تنزل ف بحورى
بتدور على قلبى العاشق
قلبى اللى بيرقص
فى وجودك
ويقول طبيتْ
***
قلبى اللى إتغرب علشانك
بيغنى الآه
و سهر ويايا ف أحزانى
ولا قال لى إنساه
كان فاكر بعدك لعيونى
إن إنت نسيتْ
***
و أديك بتقول لى بتهوانى
وبقول لك ياه !
عارف أشعارى و أحلامى
والليل وغناه
دايماً لعيونك وجمالك
من يوم ما هويتْ
***
من يوم ما أنا شوفتك
والدنيا
غنوة و أحلام
لو هابدأ أوصف يا حبيبى
ما يكفى كلام
أزاى أوصف لك
فى مشاعرى
وأنا ليك غنيتْ !
***
الورد وعطره وألوانه
و الطير و سماه
و البحر و موجه و عشاقه
و قمر و ضياه
دايماً بيقولوا ف أوصافك 00
زيك ما رأيتْ
***
2/3/ 1997
* من ديوان ( العيون السود ) الصادر فى يناير 2012 عن سلسلة منتدى عاطف الجندي الأدبي
إسم الشاعرالبلدإسم القسمالمشاهدات
عاطف الجندىمصر☆ دواوين الأعضاء .. عامِّي379
لاتوجد تعليقات