تاريخ الاضافة
السبت، 2 ديسمبر 2006 02:29:21 م بواسطة د. جمال مرسي
0 1204
اكتب و بدَّع يا قلم
اكتب و بدّع يا قلم
القلب مشحون بالألم
و ازاي يكون حال القلم
القلب حبره من عذابْ
و( البِنْ ) من إحساس و دم
قلمي جرئ ما ينكسف
و لا عمر سنه هينقصف
لو حتى حطّوا لصاحبه سم
قلمي و عارف سكته
و دا مين هيقدر يسْكته
فارس على صهوة جواد الحرف
شايل كلمته
طالع كمثل الشمس من عتمة ظلام اليأس
شادد همته
موجود بينزف .. مش عدم
قلمي مناضل محترم
في كل وادي بتلاقيه
في الحب يعزف للحبايب في الهوى
أحلى نغم
و كأنه همس الطير لإلفه في الفضا
و كأنه شقشوقة صباح الحب
في ليل الظُّلَمْ
و ان جه يسجل للوطن
تلقى الحروف لحن الخلود
اللي عبر حد الزمن
تلقى الحروف متزينه
بتراب بلادي
بالعَلَمْ
بالنخل بالنيل الجميل اللي روى
كل العروق منذ القِدم
و ان قال كلام ضد الفساد و الشر
تلقى اللي انكتب
شامخ و راسخ كالهرم
قلمي بفضل الله سليم العقل
مفتول العضل
يكتب كلام يوزن بلد
من فضل رب الناس بيأتيه المدد
من حب كل الناس حروفه بتتولد
و لأجل كل الناس هيصمد للأبد
و لا يوم يخور أو ينهزم
شعر العامية
إسم الشاعرإسم الكاتبالبلدإسم القسمالمشاهدات
جمال مرسيجمال مرسي عاميمصر☆ دواوين الأعضاء .. عامِّي1204
لاتوجد تعليقات