تاريخ الاضافة
السبت، 2 ديسمبر 2006 06:34:15 م بواسطة د. جمال مرسي
0 1080
طالق
طالق
" ألقى عليها يمين الطلاق فكان ردها موجعاً "
يا خويا روح كدا و اتنيل
بلا شغل صغار
يمين تلاته على يمينك
لتشعلل نار
هو انت قادر على بيتك
لمّا تطلق
و لاّ انت عارف تتكلم
أو يوم تنطق
عاملها فولة على لسانك
ليل ويا نهار
لو روحتي لُمّك ولا اختك
ما تجيش الدار
و تكوني طالق يا وليه
و دا مش بهزار
***
و تقوم حريقه ف بيت فاطمة
و الكلمة تصبح ميت كلمة
و الشتمه متبوعه بشتمه
و تشعلل نار
و ييجي اخوها المتنرفز
و ف. ايده احجار
يضرب راجلها اللي مبوز
و يقول يا حمار
دي فاطمه ستك تاج راسك
لو كنت راجل طلقها
مش زي الفار
بتخش جحرك تتخبى
أصل انت عاوز تتربى
يا سي عب ستار
***
طبعا سي عبده ف. لحظة طيش
قال ما يهموش
رمى اليمين دوغري عليها
بعد مشانق
و احتاس يا حسره مع اولاده
مين بعد فاطمة يربيهم
مين هيرافق
قام من خيابته راح اتجوز
و بعد شهر كان اتخانق
نفس الحكاية و كررها
لحظة ضعفه
رمى يمينه على التانيه
قال لها : طالق
شعر العامية
إسم الشاعرإسم الكاتبالبلدإسم القسمالمشاهدات
جمال مرسيجمال مرسي عاميمصر☆ دواوين الأعضاء .. عامِّي1080
لاتوجد تعليقات