تاريخ الاضافة
السبت، 2 ديسمبر 2006 06:38:53 م بواسطة د. جمال مرسي
0 1095
بتضحك لي
بتضحك لي
باحسّ الدنيا بتغني و تضحكلي
و تفرش لي
بساط أبيض من التلّي
و بتقوللي
عليه إمشي
عليه وردي ، عليه فلّي
و غيمة عشق ممدوده
عشان تحميك من الشمس اللي فوق راسك
و أنفاسي
في عز البرد حراسك
و تضحك لي
با حسّ الدنيا تضحك لي
و بتجيني
و تبدر ضيّها ف . عيني
أشوف نورِك على جبيني
و حبِّك في شراييني
أقول من قلبي سامحيني
و دايما ع. الغريب طلّي .
أنا امبارح
و انا بكره
و عمر الشوق ما كان ذكره
و لا فكره ..
على الخاطر بتمحيها قوام غلطه
و عمره ف. يوم ما كان كلمة بنكتبها
و لا نقولها
بدون إحساس
و لحظة طيش بنمسحها من الكراس
و نفضل بعدها ف. ورطه
دا عهد كبير بيربطنا
بميت ربطه
و لحظة صدق بنعيشها بتحييني
أسامحك لو تجافيني
و تضحك لي
كتير لو يوم تسامحيني
شعر العامية
إسم الشاعرإسم الكاتبالبلدإسم القسمالمشاهدات
جمال مرسيجمال مرسي عاميمصر☆ دواوين الأعضاء .. عامِّي1095
لاتوجد تعليقات