تاريخ الاضافة
السبت، 2 ديسمبر 2006 06:43:55 م بواسطة د. جمال مرسي
0 1498
وحشتيني
وحشتيني
وحشتيني..
وبُعدي عن عنيك السودْ..
على عيني .
وحشتيني ..
وشوقي كل يوم بيزيدْ ..
لأحلى خدودْ..
تزينها نجومْ وورودْ..
وصوتكْ لو يصحيني.
وحشتيني.
وحشني الهمس في همسكْ .
ونبض الحب في حِسِّكْ .
وغيرتي لو نسيم الصبحْ ...
يا عمري...
في يوم مسِّكْ.
أنا بكره اللي جاي ليكِ
أنا يومكْ .
أنا أَمسكْ .
وبعدي عن دفا قلبك بيكويني
وحشتيني
بجد بقول وحشتيني
و شيء يرضيك يرضيني .
وتفديكِ عيون القلبْ ..
تفديكِ شراييني
وعين ما شافتشْ غير حسنكْ .
بتشهد لكْ ..
وكل الكون بيشهد لكْ ...
بإنكْ شمس في جبيني .
وحشتيني
ولما في يوم أعود ليكِ
وأحط اديا في إديكِ
وابدأ خطوتي بيك ..
وأضمك ضمت المشتاق ..
تضميني.
وترويني .
ومين غيرك هيرويني
ومين زيك هيسقيني
وأنا العطشان و طال بعدي
و حبك أغلى شيء عندي
يا ست الحسن يا بلدي
شعر العامية
إسم الشاعرإسم الكاتبالبلدإسم القسمالمشاهدات
جمال مرسيجمال مرسي عاميمصر☆ دواوين الأعضاء .. عامِّي1498
لاتوجد تعليقات