تاريخ الاضافة
الأحد، 3 ديسمبر 2006 09:52:34 ص بواسطة د. جمال مرسي
0 1129
مساكين
مساكين
يا ويلهم ويل
كلاب صهيون
و أطول ديل
بيزحف خلف مستر بوش
و خايف من حبش رومي بريش منفوش
يقوله يمين
يقول حاضر
يقوله شمال
مهوش ناكر
و مش فاكر
غير التبن اللي يملا كروش
و خايف لو يضيع كرسِي
و ياخد بالعصا دايما يقول "ميرسي"
يا ويلهم ويل
و كل شيطان
يبيع غزة وْ ربوع لبنان
و يقبض بالدولار اجرة فقير غلبان
و لون الدم ما يهمه
و لا لاقِي اللي بيلمه
كما الخفاش بيعشق عيشة الضلمه
في كل مكان .
يا ويلهم ويل
نهارهم من جحيم قانا هيصبح ليل
و ليلهم مش طالع له نجوم
كفاية إن عينهم يوم ما داقت نوم
صواريخ البطولة تطيرْ
عشان تهدم صياصيهم
و تصبغ لون لياليهم
بدم و نار
و ترهبهم .
يناموا في مخابئهم
كما الفيران
و تفضل شامخة أمتنا فْـ ربوع غزة وْ
رُبا لبنان
شعر العامية
إسم الشاعرإسم الكاتبالبلدإسم القسمالمشاهدات
جمال مرسيجمال مرسي عاميمصر☆ دواوين الأعضاء .. عامِّي1129
لاتوجد تعليقات